Kəramətlər

" Zəhərlənərək ölmüş cavanın şəfası "

Bir cavan şəxs belə deyir: Zəhərləndikdən sonra Şiraz xəstəxanasında neçə gün bihuş halda yatırdım.Həkimlər mənim müalicə olmağımdan ümüdlərini kəsmişdilər. Qardaşım həmin vaxt çarpayımın yanında idi. O deyir ki: Ürəyin işləməsini göstərən aparat ekranda saf üfüqi xəttin uzunluğunu göstərməyə başladı. Qardaşım ağlayaraq özünü mənim üstümə atdı. Həkimlər onu otaqdan çölə çıxartdılar. Bədənimdə olan mualicə ləvazimatlarını götürdülər. Mənim cənazəmi qohumlarıma verməyə hazırlaşırdılar.
Birdən yaşamaq hissi məndə canlandı, ürəyim işləməyə başladı. Qanımın tə`ziqi üçdən ona çatdı. Həkimlər tə`cili məni Sə`di adına xəstəxanaya, qanımı təmizləməyə apardılar.Həkimlərin nəzərinə və əqidəsinə görə, əgər dializ (qanın dəyişməsi) də olsam hələ sağ qalmağım mə`lum deyildi. Amma mən sağ qaldım.
Bibim mö`minə və təqvalı bir qadındır. Həmişə mə`sum Əimmə (ə) –ları yuxuda görür. Yetmiş doqquz yaşı var. Elə ki, mənim halımın pis olmasını və ölüm xəbərimi ona çatdırmışdılar, o gecə yuxusunda imam Zaman (ə)-ı gördü. Həzrət (ə) bibimə " Qorxmayın və narahat olmayın! Biz sizin cavanın şəfasını Allahdan istəmişik.Allah sizin cavana şəfa verdi."
Bibim yuxudan oyanarkən otaqda Həzrət Mehdi (ə)- in gözəl ətrini hiss edir. Mənim şəfa tapmağımı qohumlarıma deyir. Əvvəlcə hamı onu məsxərə edərək ələ salırlar. Sözünə inanmirlar. Bu mö`cüzədən sonra o Həzrət (ə)-a təşəkkür etmək üçün müqəddəs Cəmkəran məscidinə yola düşdüm.

5. " Övlad sahibi olmaq üçün dua "

Bir nəfər deyir: On altı il idi ki, evlənmişdim. Amma övladım olmurdu. Bütün həkimlərə müraciət elədim, dəva-dərman da olundu. Amma nəticə vermədi. Həkimlərin nəzərinə əsasən ər-arvad, hər ikimiz sağlamıq.Uşağın olmaması səbəbini isə bilmirdilər.
Xülasə, hər yerdən ümidsiz oldum. Həyatım da puç olurdu. Bir gün dostlarımdan biri mənə dedi: Həkimlərə az müraciət elə. İmam Zaman (ə)-ın yanına get və istəyini o Həzrət (ə)-dan tələb elə!
Cəmkəran məscidinə yollandım. Ürəyi sınıq halda namaz qıldıqdan sonra ağaya mütəvəssül oldum. Az keçmədi ki, o Həzrət (ə) bizə feyz və mərhəmət vasitəsi oldu. Allah bir oğul övladı mənə lütf elədi. Şükür Allaha sağlam və salamatdır. Çox sevinirəm ki, həyatım dağılıb puç olmadı .
6. " Yaralı və beyin əlilinin şəfası "

Beş yaşlı uşağın atası deyir: Avtomobil qəzası nəticəsində oğlum başdan-ayağa ağır yaralanmışdı. Üç il Firuzgər adlı xəstəxanada və Tehranın Həzrət xanım Fatimə (s) adına olan xəstəxanasında müalicə olunurdu. Baş nahiyyəsinin müalicəsindən sonra həkimlər öz nəzərlərini mənə belə söylədilər: 60% naqislik və çatışmamazlıq vardır. 30 % zədələrdə yaranan mikrob xəstəliyi ehtimal olunur. Bu xəstəlik başın zərər çəkmiş yerlərində əmələ gəlmişdir. 10% yol getməkdə çətinliyi vardır. 20% övladımın ağlı aradan getmişdir. Daha həkimlərə müraciət etməyin. Çünki faydası yoxdur.
Mən də Allaha və pak olan Əimmə (ə)-lara mütəvəssil oldum. Oğlumun halı yaxşı olan vaxtlarda hər üçüncü və cumə günləri birlikdə ziyarətə gəlirdik. Onu dördüncü gün sakitlik olan vaxtda müqəddəs Cəmkəran məscidinə ziyarətə gətirdim. Bəlkə Allahın və imam Zaman (ə) ağanın lütfü və diqqəti oğlumun da bu xəstəliyinə şəfa verə.
Şam yeməyi yemədən məscidə, minbərin yan tərəfinə əyləşməyə getdik. Mən namaz qılmaqla məşğul idim. Saat 10.00-da bir nəfər Şəhristanlı bizə yemək gətirib yanımıza qoydu və getdi. 10.40-da məscidə bir qrup hey`ət gəldi. Onlar oğlumun başı üzərində dua oxumağa başladılar. Təqribən 15 dəqiqə dua oxudular. Bir də gördüm ki, oğlum Mehdi yerindən atılıb məni qucaqladı və dedi: Ata, mən sağaldım.
Orada olan cəmiyyət mənə - Şükür olsun Allaha övladınız sağaldı və şəfa tapdı sözləri ilə göz aydınlığı verdilər. Sonra, məndən onları dua eləməklərini istədilər.

7. " Müharibə əlilinin şəfası "

Bir cavan deyir: Səkkiz il ön cəbhədə Hacı İmranın dəstəsində qulluq edərkən, İraqlıların hava hücumuna mə`ruz qalmışdım. Bütün bədənim aldığım zəhərli güllə yaralarından iflic halına düşmüşdü. Bu müddət ərzində hərəkət etməyə qüdrətim yox idi. Gecə, anam evimə gəldi. Acı dil yarası ilə qəlbimi sındırdı. Mən imam Zaman (ə)-a mütəvəssil oldum və dedim: " Ya, imam Zaman (ə) mənim ya ölümümü tez yetir, ya da Allahdan mənə şəfa istə! "
Yuxuya getdim. Yuxuda ağam imam Zaman (ə)-ı gördüm.Buyurdu :" Mən öz əlimlə məscid tikmişəm gəl orada mütəvəssil ol "
Yuxu aləmində Cəmkəran məscidi fikrimdə idi. Sübh yuxudan oyanan kimi, fikrimdən döndüm. Dedim: Eybi yoxdu, gələn il Cəmkəran məscidinə gedərəm. Gecə saat 12.00-da evə qayidarkən gördüm ki, evim içindəki ləvazimatlarla birgə hamısı yanıb. Çox pis oldum, qəlbim sındı. Sübh dostlarımın birindən bir az borc pul götürüb həmin gün Cəmkəran məscidinə tərəf yola düşdüm. Otuz doqquz gün Cəmkəran məscidində qaldım. Xidmətçi işlədim ta qırxıncı gecə, üçüncü gün, Ramazan ayının on doqquzu oldu. Gecə xidmət elədiyim vaxt hiss elədim ki, çox yorğunam və yuxum gəlir. Ayaqqabı yığılan yerə girib, orada yatdım. Saat bir tamamda, gecə yarısından sonra yuxuda gördüm ki, Cəmkəran məscidinin həyətində zibilləri təmizləməklə məşğulam. Bir ağa yaxınlaşdı və buyurdu: "Ağa seyyid, təmizliklə məşğulsan? Gəl gedək məscidin içinə bir az birlikdə söhbət eləyək."
Ağa ilə birlikdə məscidə getdik. Müşahidə elədim ki, dörd nəfər başqaları da orada idilər. Onların yanında oturdum. Ağa buyurdu:"Ağa seyyid, elə bil xəstəliyin var? "Bəli ağa, cəbhədə yaralanmışam. Ağa mübarək əlini başıma çəkdi və buyurdu : "İnşallah yaxşı olarsan." Sonra əlini belimə və ayaqlarıma çəkdi və yuxu aləmində hiss elədim ki, rahat oldum. Bildim ki, o dörd nəfər – imam Əli (ə) , Həzrət Peyğəmbər (s) və Həzrət Fatimə (s), Həzrət Mə`sumə (s) da ağlayan haldadır. Ağadan hadisənin nə olduğunu soruşdum. İmam Zaman (ə) buyurdu: Həzrət Mə`sumə (s)-ın şikayəti var ki, onun hərəminə hörmətsizlik edirlər. Sonra imam mənə bir xurma verib buyurdu ki; "sabah oruc tutacaqsan" Yuxudan ayıldım. Gördüm ki əsalara daha ehtiyacım yoxdur. Sağalmışam və rahatam.